Եկեղեցի " Ս. Աստվածածին "
ՀԱԴՐՈՒԹԻ ՇՐՋԱՆ –Թաղասեռ գյուղ
Հուշարձանի N: 0013
Հուշարձանի հասցե ՝ Հադրութի շրջան, գյուղ Թաղասեռ
Ժամանակը՝ 17-րդ դար, 1635թ.
Նշանակություն՝ Տեղական
Հուշարձանի տարածք` 0.5 (հա)
Հուշարձանի չափագրություն ` պահպանական գոտիների տարածքը 1,2 հա, հուշարձանի տարածքը 0,5 հա, երկարությունը 17,20 մ, լայնությունը 11 մ, բարձրությունը 7,5 մ
Տեղակայված է Հին Թաղասեռի արևակող բլրակի ստորոտում: Եկեղեցին, որ կոչվում է Ս. Աստվածածին, չորս մայթերով եռանավ բազիլիկ է: Ունի շինարարական երկու արձանագրություն՝ մուտքի բարավորի վրա և ներսում, որոնցից պարզվում է, որ այն հիմնադրվել է 1635թ.: Բավականին մեծ շենք է, թաղակապ՝ առնված երկթեք տանիքի տակ, որը ներկայումս կղմինդրապատ է: Արևելյան կողմում պահպանվում են երկու խորան-ավանդատները, բեմը ներկայումս ավերակված է: Եկեղեցին շարված է կիսատաշ որձաքարերով, կրաշաղախով, պատերի մեջ օգտագործված են քանդակազարդ խաչքարեր: Մուտքը՝ երիզված գեղեցկահյուս զարդաքանդակներով, արևմտյան կողմից է:
Վերադառնալ